Lo sviluppo economico della Sardegna: un flop?

10 gennaio 2018
[Enrico Lobina]

Venerdì 12 gennaio alle ore 18.00 presso Camera del Lavoro di viale Monastir 15 a Cagliari, si terrà la presentazione del libro di Antonio Sassu, “Lo sviluppo economico della Sardegna: un flop? Numeri, cause e suggerimenti”. Seguirà un dibattito insieme all’autore Antonio Sassu con Carla Locci, Esperta di sviluppo locale e Carmelo Farci, Segretario Generale della Camera del Lavoro. Pubblichiamo una riflessione di Enrico Lobina che descrive il nuovo percorso delle iniziative della funzione pubblica della CGIL. (Red)

Est pretzisu bentulare

Si no, chalchi die a mossu
Bo ‘nde segade’ su didu.
Como ch’est su filu ordidu
A bois toccat a tèssere,
Mizzi chi poi det essere
Tardu s ‘arrepentimentu;
Cando si tenet su bentu
Est prezisu bentulare.

Is traballadoris de Àmazon in s’interis de is fèrias de Paschixedda. Una picioca pigada a tzèrrius, una scienti chi fait s’intreveradura “scola-traballu”. Ti nci bogant de traballu cun d-unu sms o cun d-unu puntebilletu in whatsapp. Su traballu fatu chena de acòrdiu perunu de “Nàpoli Sotterranea”. Su traballu fatu po debadas de is “stages”. Su traballu no andat de moda, perou est de moda. No andat de moda poita ca in dii de oi su chi ses in su mundu no tenit liòngiu perunu cun su traballu chi fais. O, a su mancu, aici si pensat. No andat de moda poita ca comenti e aundi traballas no serbit a ti donai un’identidadi. No andat de moda poita ca est pagu e cun sa “intelligenza artificiale” at a essi sèmpiri prus pagu. At a tocai a si preparai a custu avolotu?

No andat de moda poita ca si fueddat meda de Nainggolan, de Gomorra, de is 35 èurus donaus a is nieddus chi arribant cun is navis e pagu de su de fai po andai mellus sa cosa. In s’interis su traballu andat de moda. Castiai is circas. Su traballu, pruschetotu candu no nci nd’at, poni in pensamentu totu sa genti in Europa. Su traballu andat de moda e imoi po is eletzionis totus ndi funt fueddendi. Funt is chi ti collunànt candu naràst “a traballai totus, a traballai pagu, cun traballu bonu e sanu”.

Su traballu est sa manera de donai dinnidadi a is fèminas e is òminis. No si ndi podit fai de mancu. At a essi sèmpiri diaici. Chi su traballu est su tzentru de sa sotziedadi, o comuncas momentu de importu de sa vida, nosu ndi boleus fueddai. Boleus fueddai de chistionis chi pertocant sa Sardìnnia e Casteddu, chi siant chistionis econòmicas, sotzialis o culturalis. Ddas boleus tratai partendi de sa bisura de is traballadoras e is traballadoris.

Seus sa “Funzione Pubblica” de sa CGIL de Casteddu, e cun “est pretzisu bentulare”, si pigaus s’impinnu de disarolliai atòbius e debatas cun custa tenta. Dd’eus a fai cun umiltadi meda.
Po nci arrennesci in custa tenta, chi boleus bivi comenti e ocasioni de crescimentu, eus a circai de imperai bideas, stùdius, circas, calicuna borta connotas e famadas, calincuna borta noas.

Boleus agiudai is giòvunus circadoris a si fai connosci. Seus contra sa “gerontocrazia”. Eus a tzerriai a is debatas giòvunas e giòvunus chi ant studiau e chi bivint dònnia dii is derrotas de su capitalismu neoliberista. Eus a imperai su sardu, chi est sa lìngua nosta (candu su Manifesto sardo at a imperai su sardu? Deghinou ita “Manifesto Sardo” est?).

Eus a inghitzai su 12 de su mesi de gennàrgiu, cun sa presentada de su lìburu de Antoni Sassu “Su crescimentu econòmicu de Sardìnnia: aundi est chi eus faddiu? Nùmurus, intzimias, parris”. Imparis ddu inghitzaus custu tretu? inghitzaus impari custu tretu?)

Scrivi un commento


Ciascun commento potrà avere una lunghezza massima di 1500 battute.
Non sono ammessi commenti consecutivi.


caratteri disponibili


----------------------------------------------------------------------------------------
ALTRI ARTICOLI